LOGES
Platformë për shërbime elektronike
në nivel lokal

LOGES – platformë për shërbime elektronike në nivel lokal

Transformimi digjital është një frazë që përdoret shpesh në shoqërinë tonë, por duket se është e nevojshme të sqarohet se nuk i referohet zbatimit të teknologjisë së re, por më shumë adoptimit të ndryshimeve dhe inovacioneve në mënyrën në të cilën i realizojmë proceset afariste. Transformimi digjital nuk është një ngjarje e njëhershme, është një rrugëtim në të cilin investohet vazhdimisht përkushtim dhe resurse.

Digjitalizimi i shërbimeve, si një komponent i rëndësishëm në transformimin digjital, është një proces i gjatë dhe i ndërlikuar që kërkon koordinimin e shumë institucioneve si dhe nivel të përmirësuar të edukimit digjital te qytetarët. Kriza e KOVID-19 ka përshpejtuar nevojën për digjitalizimin e shërbimeve dhe të shumë institucioneve publike, përfshirë edhe komunat.

Sipas detyrimeve dhe kompetencave ligjore, komunat ofrojnë afërsisht 140 shërbime nga fusha të ndryshme, nga shërbimet komunale deri te mjedisi jetësor dhe arsimi. Fatkeqësisht, vetëm disa prej tyre janë aktualisht të digjitalizuar. Në këtë kontekst, duke iu përgjigjur kërkesës së komunave për të ofruar shërbime digjitale për qytetarët e tyre, UNDP ka zhvilluar një softuer të ri më bashkëkohor për shërbime elektronike në nivel lokal “LoGeS”.

Sistemi LoGeS është bazë në strategjinë për vetëqeverisje lokale dhe mbështet konceptin e zhvillimit të shpejtë të komunave dhe transformimin e përgjithshëm digjital të pushtetit lokal në Maqedoninë e Veriut.

LoGeS është softuer për shërbime elektronike në nivel lokal që ofron digjitalizim të plotë të më shumë se 25 shërbimeve të ofruara për qytetarët në 23 komuna në Maqedoninë e Veriut. Me këtë softuer:

  • Për herë të parë 478.000 qytetarë kanë mundësinë të aplikojnë për shërbime të shumta në nivel lokal nëpërmjet internetit. Shërbimet variojnë nga ankesat e inspektimit deri te kërkesat për subvencione dhe lëshimi i certifikatave. Me këtë softuer qytetarët nuk do të kenë më detyrim të shkojnë në komunat, por mund të aplikojnë, paguajnë dhe marrin shërbimin online në çdo kohë.
  • 23 komuna ofrojnë përpunim të plotë digjital të kërkesave të qytetarëve, nga aplikimi deri te pagesa dhe lëshimi i dokumentacionit përfundimtar. Këto komuna kanë përmirësuar proceset e tyre të punës dhe kanë përdorur digjitalizimin për një pasqyrë më të mirë të kryerjes së detyrave, monitorimit të rrjedhës së punës dhe organizimit të brendshëm.
  • Janë formuar deri tani pesë komuna-model si superadministratorë të shërbimeve digjitale, të quajtura “administratorët e LoGeS”. Super-administratori ka qasje të privilegjuar në redaktuesin e shërbimeve (i a.q. editor) dhe mund të vendosë procedurat e trajtimit për të gjitha llojet e shërbimeve të paracaktuara, por gjithashtu mund të zbatojë të reja.
  • Komuna “Administratori i LoGeS” bëhet furnizues për komunat e tjera të a.q. “softuer-si-shërbim” (software-as-a-service, SaaS).
  • Është e rëndësishme të theksohet se numri i komunave të mbështetura nuk është teknikisht i kufizuar, ai varet vetëm nga kapacitetet e TIK-ut të administratorit dhe rregullohet me nënshkrimin e një “marrëveshjeje për bashkëpunim ndërkomunal”. Këto marrëveshje do të sigurojnë hyrje buxhetore për “komunën LOGES administrator”, e cila është një garanci për qëndrueshmërinë e projektit në të ardhmen.

Sistemi i përmbush trendët dhe rregullativat më të reja në lidhje me sigurinë kibernetike dhe mbrojtjen e të dhënave.

Është veçanërisht e rëndësishme që zbatimi i LoGeS nuk kërkon investime në harduer dhe pajisje TI për komunat, gjë që redukton dukshëm shpenzimet e mirëmbajtjes së softuerit.
Qëndrueshmëria e LoGeS është garantuar me “bashkëpunimin ndërkomunal” ku një komunë “më e madhe” u ofron shërbime për komuna tjera më të vogla, dhe atë në lidhje me administrimin dhe mirëmbajtjen e plotë të këtij mjeti TI. Me këtë novacion:

  • Komunat optimizojnë bashkërisht resurset financiare dhe njerëzore të nevojshme për transformimin digjital në nivel lokal
  • Qytetarëve nga komunat “më të vogla” u ofrohen të njëjtat shërbime si për të gjitha të tjerat.
  • Komunat më të avancuara kanë mundësinë të zhvillojnë një model biznesi për përhapjen e shërbimeve të tyre tek të tjerët dhe për të tërhequr komuna të reja partnere në "bashkëpunimin e tyre ndërkomunal" pavarësisht distancës gjeografike.

Platforma është projektuar me potencial shumë të madh të rritjes së LoGeS, me ç’rast:

  • Numri prej 25 shërbimeve fillestare që u ofrohen qytetarëve lehtësisht mund të dyfishohet apo edhe trefishohet. Në fakt, tendenca është që brenda disa vitesh të gjitha shërbimet e ofruara për qytetarët në nivel lokal të digjitalizohen plotësisht, me ç'rast administratorët LoGeS të mund vetë t'i zbatojnë dhe t'i vënë në dispozicion për qytetarët.
  • Numri i 23 komunave që përdorin LoGeS rritet çdo ditë. Qyteti i Shkupit, me mbështetjen e UNDP-së, është në proces të zbatimit të LoGeS.
  • Në shtator 2024, UNDP-ja mori mbështetje të përbashkët nga Ministria e Vetëqeverisjes Lokale (MVL) dhe Ministria e Transformimit Digjital (MTD), për zhvillimin e vazhdueshëm të LoGeS në një platformë nacionale për shërbime elektronike në nivel lokal.
  • Sipas dinamikës së përcaktuar bashkërisht me MVL-në dhe MTD-në, UNDP-ja është zotuar se deri në fund të vitit 2026 do t'i mbështesë të gjitha komunat për t'iu bashkuar LOGeS.
Komunat e interesuara inkurajohen të shprehin interes për t'u bashkuar me LOGES duke plotësuar formularin më poshtë:

United Nations
Development Programme
North Macedonia